كان زمن جميل
كلمة بتتقال كتير لما تفكر فى ايام زمان ودلوقتى تلاقى الفرق كبير.
اولا:- زمان تلاقى الشوارع شكلها جميل وفيها مساحة خضراء اكتر اما دلوقتى اشكال مختلفة للمبانى وغير منسقة و المساحة الخضراء اقل .
ثانيا:- ودة الاهم البشر وحط خط كبير تحت كلمة البشر زمان الناس كانت مختلفة فى حاجات كتير كانت رغم الحالة
الاقتصادية القليلة تلبس بشكل مهندم وكانوا يتكلموا بشكل كويس وبصوت منخفض وفية لغة عربية فصحى
فاكرين يوسف وهبى وكلامة باللغة العربية لما تتابع الافلام زمان تحس ان الناس كان لديها رقى اكثر
واحساس بالغير وتلاقية يعرض المساعدة بقلب قوى مش دلوقتى تخاف تكلم الغريب لانك متعرفش اية الى
ممكن يحصل وانت ماشى دلوقتى تسمع كلام و الفاظ من الاطفال او الكبار عمرك ما كنت تتخيل
انك تسمعها كهزار او مجرد كلام والصوت دلوقتى بقى عالى وانتى ماشى تسمع خناق مش كلام والملابس شىء عجيب سواء للصبيان او البنات .
ثالثا :-البائعين زمان كان البائع يتكلم بذوق وينادى على السلعة بشكل جميل اما دلوقتى يا حفيظ يزعق ويكون مش طايق نفسة .
وحاجات تانية كتير اكيد انتوا كمان حاسين باختلاف بين زمان ودلوقتى بس السؤال ياترى هنرجع زى زمان تانى ولا هيكون زمن وانتهى
هل التغير نتيجة انشغال الوالدين عن الابناء او الاعلام او الاصدقاء
عوامل كتير ممكن اعرف رأيكم اية ؟
موضوع: كان زمنا جميلا .. 