تفضلوليوم العيد

[ندعوك للتسجيل في المنتدى أو التعريف بنفسك لمعاينة هذه الصورة]

تتتاتتااااااااااااااااا
المطبخ حبيبى وحشنى مووووت بقالي كتير ما رغيتش معاكم فى الطبيخ و اديت
كلمتين للحريم الشلت ياااااااه

انا من اول رمضان عايزه انزل اي صنف بس كده تفاريح الا المطبخ
بتاعي صدى هنا ان المطبخ الواقعي يعتقنى ابدااااا

لحد لما فتاه من الصعيد حبيبتى طلبت منى كنافه بالمانجو قلت لا
ممكن ابدا لازم اعملها

وحياتك يا فتاه انا عملت كنافه بالمانجه مخصوص عشانك كانوا عايزين
كنافه بالكاستر عاديه قمت عملت شويه بالمانجه عشانك انت بس جميل

هيا بنا الى المطبخ يا حلوين

الكنافه زي ما عملناها سوا قبل كده هانجيب الكنافه ونفرمها لو ما
كانتش مفرومه او حتى تقطعيها كويس حتت صغيره وطبعا يفضل الكنافه الشعر او
الرفيعه اوي بتكون احلى

هانعمل مقدار نص كيلوا كنافه

هانحتاج لها 3/4 كوب سمن ومعلقتين زيت

ليه معلقتين الزيت ؟ عشان احنا هانحمر الكنافه والتحمير بالسمن
البلدي لوحدها السمنه تتحروق وتبقى مش تمام معلقتين الزيت بيخلوا التحمير
احسن وكمان بتكون الكنافه مقرمشه زي ما انا باحبها :)

هانسخن السمن والزيت على النار وبعدين نحطها على الكنافه بالمعقله
عشان نوزعها كويس بعدين نفركها بادينا كويس عشان السمن يتغلغل فى الكنافه
كويس وبيبقى شكلها كده

[ندعوك للتسجيل في المنتدى أو التعريف بنفسك لمعاينة هذه الصورة]

بس ده مش نص كيلو ما تركزوش فى الكميات الى فى الصور عشان ما
تهيسوش

المفروض اننا نحمر الكنافه فاحنا ممكن نحمرها على البوتجاز من فوق
ونفضل نقلبها زي ما بتحمري الشعريه كده مثلا
لكن انا لما باكون
عامله كميه بافردها فى صنيه كبيره واحطها فى الفرن اسهل بس لازم تتقلب
مرتين كده او ثلاثه فى الفرن
وطبعا بتحمريها على اد ما تحبي انا عن نفسي باحبها
غامقه شويه ممكن تخليها افتح من كده
[ندعوك للتسجيل في المنتدى أو التعريف بنفسك لمعاينة هذه الصورة]

اول لما بتطلع من الفرن بنسقيها شربات نكون محضرينه من قبلها وبارد
..الشربات او القطر او الشيره يكون تقيل عشان ما يخليش الكنافه تبقى
طريه وبايشه وكمان تبقى متماسكه شويه مع بعضها

هانحط على النص كيلوا كنافه حوالي كوباية شربات ونقلبها ونسيبها
تبرد خاااااالص

على ما تبرد نكون عملنا شوية كريم شانتيه هنحتاج حوالي كوبايه ونص
كريم شانتيه

ولما تكون الكنافه بردت هانقسمها نصين ناخد النص الاولاني نفرده فى
صنيه او طبق كبير زي كده

[ندعوك للتسجيل في المنتدى أو التعريف بنفسك لمعاينة هذه الصورة]

النص كيلو يبقى مناسب له الصنيه المتوسطه او اي حاجه فى مقاسها
وممكن كمان نعمله وحدات صغيره فى اطباق صغيره على اد فرد واحد مافيش
مشكله

بعد كده هانحط طبقه من الكريم شانتيه وياريت نستخدم كريم شانتيه
سكرها خفيف او نجيب الاكياس والعلب العاديه فى السوبر ماركت مش هاتقول لا
لو قالت لا ابعتوهالي
وانا ااعنفها على هذه الفعله الشنعاء :)
[ندعوك للتسجيل في المنتدى أو التعريف بنفسك لمعاينة هذه الصورة]

بعد كده هانحط طبقه تانيه من الكنافه ونتعامل مع الطبقه التانيه
برفق كده ونرشها على وش الكريمه عشان مش هاينفع نضغط او نحركها عشان الكريم
شانتيه سوفت اوي وهاتطلع من الجنب

ونرجع تاني نحط بقى كريم شانتيه للوش ونفردها كويس زي كده

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده بقى هانرص فوقيها المانجو الى هانقطعه شرائح بالشكل الى
يعجبنا وننقي اي نوع مانجه طبعا بنحبه بس يكون مستوي وجامد فى نفس الوقت
عشان نقدر نقطعه شرائح كده

لو كنا هناكل الكنافه على طول هانرص المانجو عادي من غير اي حاجه
عليها لكن لو كنا هانسيبها مثلا من الصبح لبليل ممكن المانجو تسرد مايه او
تدبل ويبقى شكلها وحش فافضل اننا ندهنها جيلى او نحظها فى الجيلى قبل ما
نحطها على الكنافه
طبعا هانستخدم جيلاتين ساده او بطعم المناجو ولو زنقت معاكي
اعمليها باي جيلى لونه اصفر وخلاص

[ندعوك للتسجيل في المنتدى أو التعريف بنفسك لمعاينة هذه الصورة]

وادي اللوك النهائي للكنافه بالمانجو وبالهنا والشفا وجربوها بجد
مش هاتندموا جميله جدااااااا

ملاحظه ... احنا ممكن نعمل الكنافه دي باكتر من طبقتين ونخليها
اعلى من كده او طبقتين بس طبقات سميكه مافيش اي مشكله بس الحقيقه انا
باشوف انه مناسب تكون طبقتين او ثلاثه بالكتير وما تكونش سميكه اوي

[ندعوك للتسجيل في المنتدى أو التعريف بنفسك لمعاينة هذه الصورة]

مشكووووووووووووووووووووووووووووووووورة كثير على هذه الوصفة الرائعة شكلها طيبة كثير [ندعوك للتسجيل في المنتدى أو التعريف بنفسك لمعاينة هذه الصورة]